تكفون خلّوه لا تحصون غلطاته
انا ادري انه تلف حالي وضيعني
وادري سواة العدو ابرك من سواته
بس ان قلبي واعرفه ما يطاوعني
هذاك انا اضيع لا طالت نظراته
بعيونه السود يسمح لي ويمنعني
أحلى علامات فالدنيا علاماته
متّع نظر كل من شافه ومتّعني
خلّوه يخطي انا راضي بسيّاته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا اخطا عليك اقول وش يعني ؟!
خلاني أمشي على كيفه ومشهاته
طوّعني شلون ؟! مدري بس طوّعني
0 التعليقات:
إرسال تعليق